Gwĩkĩra Tũkũbia twa Ndemwa cia Gĩgĩkũyũ na Kombiuta

Andũ aingĩ nĩ morĩtie ũrĩa ndemwa cia Gĩgĩkũyũ ciĩkĩragwo tũkũbia na kombiuta. O na gũtuĩka kombiuta ciothe itihanaine, ĩno nĩ njĩra ĩmwe ya gwĩkĩra tũkũbia na kombiuta igũrũ wa ndemwa cia Gĩgĩkũyũ, "i na u".
1. Hingũra "word document"
2. Hihinya "insert"
3. Ikũrũka kinya wone na ũhihinye “symbol” – (gathandũkũ ga "symbols" kahingũke)
4. Thura “Normal text” hau handĩke "font"
5. Ikũrũka kinya harĩa ũkuona ĩ na ũmĩhutie na koroti kinya ĩire
6. Hau kĩanda hihinya "Shortcut key"
7. Thura “shortcut key” ya kwĩyendera na ũmĩhihinyanĩrie na i (kwa mũhiano "alt" kana "ctrl")
8. Hihinya "close"
9. Hutia ndemwa Ĩ kinya ĩire
10. Hihinya "shortcut key" ya kwĩyendera na ũmĩhihinyanĩrie na iria igĩrĩ ũkũhihinyĩte hau rũgongo (kwa mũhiano cabi ĩrĩa ũhihinyaga ũgĩkĩra ndemwa nene ũhihinyanĩrie na "alt" kana "ctrl" na i)
11. Rĩu nĩ warĩkia kwĩra kombiuta yaku atĩ ũngĩhihinyanĩria i na “alt” kana “ctrl” ĩgekĩra ĩ, na wahihinyanĩria na cabi ĩrĩa wĩkĩraga ndemwa nene na yo ĩgekĩra Ĩ
12. Cokera makinya 5 kinya 10 no rĩu ũthure ũ

Ngwĩhoka nĩ ũgũteithĩka na ũhote gwĩkĩraga tũkũbia ndemwainĩ cia Gĩgĩkũyũ, ĩ na ũ.

Thaaai!