Monday, August 15, 2016

Keshe nĩ Aheete Thĩ Yothe Ũgĩ wa Gũthondeka Kĩruta Hinya wa Thitima (MAGRAV Plasma Power Generator)


Mũtongoria wa Keshe Foundation, Mehran Tavakoli Keshe, ũmũthĩ mweri 15/8/2016 nĩ aheire thĩ yothe Kĩruta Hinya wa Thitima (MAGRAV Plasma Power Generator), na aaheana mũcoro wa kĩo.

Mũcoro ũcio no ũhotithie mũndũ o wothe thĩiniĩ wa thĩ yothe handũ yarũma gwĩthondekera kĩruta kĩu kĩa hinya wa thitima hatarĩ kĩgirĩrĩria o na kĩrĩkũ, tiga hiihi mang’otore manini ma kũgũra indo cia gũgĩthondeka.

Thogora wa indo cia gũgĩthondeka nĩ wa thĩ mũno ũũ atĩ ti andũ aingĩ matangĩona mbeca cia kũgũra indo icio.


Wonania wa Kĩruta Hinya wa Thitima (MAGRAV Plasma Power Generator) 
Kĩruta kĩu kĩa hinya wa thitima kĩraaruta hinya wa thitima macigĩrĩriainĩ (kana rĩerainĩ), na ũguo nĩ kuga nĩ hinya wa thitima ũtarĩ gĩthimi na ũtagaathira.
Na njĩra nguhĩ, ũguo nĩ kuga atĩ kuma ũmũthĩ, o mũndũ o wothe thĩiniĩ wa thĩ no eethondekere Kĩruta hinya wa Thitima gĩake na kĩmwaũre mũrigo wa kũrĩhaga thitima, na kĩaũre njiarwa ciake na njiarwa cia njiarwa ciake, kuma rĩu kinya mĩaka makiri ma makiri ĩrĩa twerekeire.
Na njĩra nguhakuhĩ, ũguo nĩ kuga ũmũthĩ, M T Keshe nĩ ahotithirie thĩ yothe kũgĩa na hinya wa thitima ũtarĩ mũthia na aahotithia mabũrũri mwanya mwanya gwĩthondekagĩra itahi cia thitima cia kũigana andũ othe a mabũrũri macio. 

Kwoguo Keshe nĩ aaũrire mabũrũri mothe ma thĩ mũrigo wa kũgũraga maguta mothe megiĩ betũrũ, kana nyuranyura (coal) cia gũthondeka hinya wa thĩtima, hamwe na indo ciothe cia matukũ tũrĩ cia kũruta hinya wa thitima kuma ũrũgarĩinĩ wa riũwa, wa mĩrukĩ mĩhiũ, wa maĩ, kana wa huho. 
Aaheana ũgĩ ũcio, Keshe nĩ ahotithirie andũ othe a thĩ kũgĩa na wĩyathi wao na wa njiarwa ciao, kuma kũri wagi wa hinya wa thitima na wa maũndũ mangĩ marĩa makonainie na hinya wa thitima.
Ũyũ nĩ ũndũ wa magegania, na nĩ ũkũgarũra mĩikarĩre ya andũ a thĩ yothe matukũinĩ na mĩakainĩ ĩrĩa twerekeire. Nĩ ũndũ ũngĩhotithia mabũrũri mothe kwĩyatha, na kwĩyathĩra wĩkũria wa mo wa gũtũũra. Na nĩ ũndũ ũngĩnina ũkombo wa mĩkombo, na mookombo mangĩ mothe ma matukũ tũrĩ thĩiniĩ wa thĩ ng’ima.  
Kĩruta Hinya wa Thitima gũtwarwo na barabara kinya White House, nyũmba nene ya wathanĩri wa bũrũri wa USA
Ũheani wa Keshe wa Kĩruta Hinya wa Thitima thĩ yothe ũraarũmĩrĩire gũtwarwo na njĩra ya barabara gwa kĩmwe gĩa Itahi Hinya wa Thitima kuma St. Louis, Missouri, kinya kwa Mũtongoria wa USA, Barack Obama, nyũmbainĩ ya wathanĩri wa USA, White House, ĩrĩa ĩ Washington, DC.
Atwari a Kĩruta Hinya wa Thitima Maakinya Nja ya White House
Atwari a Kĩruta Hinya wa Thitima White House maratongoretio nĩ Douglas Edwards wa Keshe Foundation, na marakinyire White House mweri 14/8/2016. 
Kĩruta hinya wa thitima nĩ gĩa gwĩtia thayũ wa thĩ yothe
Barack Obama, Mũtongoria wa USA, aratwarĩirwo Kĩruta Hinya wa Thitima hamwe na ndũmĩrĩri ya Keshe ya gwĩtia thayũ thĩiniĩ wa thĩ yothe handũ yarũma. Bũrũri wa USA, nĩ guo ũkoretwo mbaarainĩ mabũrũriinĩ maingĩ gwa kahinda karaya mũno matukũinĩ mahĩtũku, na marĩa tũrĩ.
Mandĩko ma Gĩtũmi gĩa Gũtwara Kĩruta Hinya wa Thitima White House 
 USA ĩngĩtigana na mbaara no kũgĩe thayũ thĩ yothe, na kĩu nĩ gĩtũmi kĩmwe gĩa Keshe gũtwarithĩria Mũtongoria wa USA, Barack Obama, Kĩruta hinya wa thitima e mũtongoria wa mbere wa bũrũri gũtwarĩrwo.
Iruti hinya wa thitima no ihotithie thĩ yothe kũnina wagi wa mabataro ma bata ma andũ othe a thĩ, na kwoguo gũtirĩ bata wa mbaara thĩiniĩ wa thĩ yothe handũ yarũma. 
Wendi wa Keshe nĩ kũmenyithia andũ othe a thĩ ũgĩ wa gwĩthondekera itahi cia hinya wa thitima hatarĩ igirĩrĩria o ciothe. Nĩ ũndũ wa ũhonokia wa mahũthĩro hamwe na macuumo ma mabũrũri mothe, gũtirĩ bata wa mbaara, kana wa ũtuunyani o wothe wa mabũrũri.
Kĩambĩrĩria ngwacĩ gwĩkĩra
Kũheana ũgĩ wa gũthondeka kĩruta hinya wa thitima nĩ kĩambĩrĩria ngwacĩ gwĩkĩra! Keshe nĩ athoomithagia andũ ũgĩ mwerũ wa ũthimũri wa kĩũmbi (plasma science) thukuruinĩ ya Keshe Foundation Spaceship Institute. 

Ũthimũri wa kĩũmbi ũkuĩte ũgĩ wa maũndũ mothe ma thĩ na ma igũrũ thĩiniĩ wa mĩtaratara ĩnana: ũgĩ wa ciũmbũki cia mwanywa (spaceship technology), ũgĩ wa ũrĩmi (agriculture), ũgĩ wa ũgima wa mĩĩrĩ (health), ũgĩ wa rugarĩ na hinya wa thitima (heat, energy), ũgĩ wa gũtura rũindo rwerũ (new materials), ũgĩ wa ĩtũndia rĩa kĩmwemwe (nanotechnology), ũgĩ  wa wĩrangĩri (defense), na ũgĩ wa ũkuui (transportation).

Maũgĩ maya mothe mamenyeka wega nĩ marĩhotithagia andũ gwĩturĩra ciũmbũki cia mwanywa, kwĩrigita na kwĩgitĩra mĩrimũ yothe, na gwĩkũria kaimana marĩ na wĩyathi wa gũteithanagia thutha wa kwĩninĩra mabatara maingĩ ma thĩ marĩa matũire mamatangaga.


Makĩria mũno, maũgĩ mothe marĩa Keshe araathomithania, no mahote kũreehe thayũ thĩiniĩ wa thĩ yothe, na kwoguo maniine mbaara cia mĩhĩrĩga yothe thĩiniĩ wa thĩ yothe handũ yarũma.

Maũgĩ marĩa Keshe araathomithania nĩ maũgĩ ma magegania. Ũngĩenda kũmenya maingĩ ma maũgĩ na moohoti ma Keshe, no ũmone haha, na haha, na haha.
 
 

Friday, January 27, 2012

Mookire Gũkũ Mbere ya Columbus - Dr Ivan Van Sertima

Saturday, March 13, 2010

Ibuku rĩa Ngũgĩ wa Thiong’o, “Dreams in a Time of War: A Childhood Memoir,” nĩ rĩroimire

Sunday, January 17, 2010

Dreams in a Time of War: A Childhood Memoir, Ibuku rĩerũ rĩa Ngũgĩ wa Thiong’o



Mwandĩki Njorua wa Kenya na Abirika, Mũnoorani Ngũgĩ wa Thiong’o, nĩ araruta ibuku rĩa maruta matatũ rĩa kĩririkano kĩa ũtũũro wake. Iruta rĩa mbere, “Dreams in a Time of War: A Childhood Memoir,” rĩkoima Kĩhu 9, 2010.

Thikĩrĩria ndereti cia Mũnoorani Ngũgĩ wa Thiong’o akĩaria ũhoro wa ibuku rĩa kĩririkano kĩa ũtũũro wake na Ngathĩti ya Mahinda, Granta, haha mũhuro.


Interview with Ngugi Wa Thiong'o from Granta magazine on Vimeo.