Koma Thayũ Mĩrũgĩ Kariũki
Rĩu ndĩrandĩka ũhoro ũyũ, mwĩrĩ wa Hon. Mĩrũgĩ Kariũki, no hĩndĩ wakinya Naikuru werekeire gũtwarwo Kabatinĩ, Thubukia, kũrĩa ũgũthikwo ũmũthĩ. Mĩrũgĩ Kariũki ararĩ ũmwe wa arĩa 14 marakuire na mũtino wa ndega itũũrainĩ rĩa Marsabit, Mweri 10, wa Mũthaatũ 2006.
Nĩ kĩeha kĩnene kũrĩ niĩ mwene, na kũrĩ bũrũri witũ tondũ Mĩrũgĩ Kariũki ararĩ mũrata wa bũrũri wa Kenya.
Wĩra Mwega Arutĩte
Mĩrũgĩ Kariũki nĩ arakoretwo ehootanĩra ngoroinĩ cia andũ aingĩ a Kenya nĩ ũndũ wa wĩra wake mwega.
Kuma aaheo gĩturwa kĩa Mũnyinyi wa Mũtabania Thingirainĩ wa Mũtongoria wa Bũrũri rũhonge rwa Ũigi Thayũ Bũrũriinĩ, Mĩrũgĩ Kariũki nĩ arahete mũingĩ mweke wa kuona wĩra wake, wĩrutĩri wake, na ũũma wake. O na gũtuĩka ararĩ hakũhĩ na wathani, nĩ aroĩ wĩra wake nĩ gũtũmĩkĩra bũrũri na andũ a Kenya, no ti kwĩyonania kana gũteta tũhũ.
Mĩrũgĩ Kariũki ararĩ ũmwe wa arĩa mararutaga wĩra mwega Thingirainĩ wa Gũtua Mawatho. Nĩ arahetwo gĩtĩyo nĩ mĩena yerĩ ya ũteti thingirainĩ ũcio.
Njamba Njĩthĩ Yoheirwo Kĩ?
Thutha wa kuona mũrutĩre wa wĩra wa Hon. Mĩrũgĩ Kariũki, nĩ wega tũririkane atĩ aarĩ ũmwe wa arĩa mohetwo nĩ thirikari ya Daniel Arap Moi nĩ ũndũ wa gũtetera akararia a hĩndĩ ĩyo, na nĩ ũndũ wa mĩario yake ya gũtetera ũũma na wathani mwega bũrũriinĩ witũ.
Korwo aahetwo mweke wa kũrutĩra mũingĩ wa Kenya wĩra o gatene, hihi o na haro ĩyo arathiaga kũhoria Marsabit ĩngĩathirĩte tene. Nĩ kĩo arĩ wega twĩririkanie ihindainĩ rĩĩrĩ arĩa mohetwo, arĩa moragirwo, na arĩa morĩire mabũrũri mangĩ nĩ gwĩtigĩra kũgerwo ngero hĩndĩ ya ũtongoria wa Moi. Rekei twĩyũrie hihi bũrũri witũ ũngĩkũrĩte atĩa korwo njamba icio nĩ ciareketwo irute wĩra wa kũũkũria handũ ha kuohwo, kũragwo, kana gũthamio.
Koma Thayũ Mwethi Thayũ
Nĩ andũ aingĩ mũno mangĩendire gũthiĩ kumagaria njamba ya bũrũri, Mĩrũgĩ Kariũki, na ndĩ ũmwe wa acio. Ĩndĩ kũrĩ me kũraya na matingĩhota gwĩkinyia Naikuru, na ndĩ ũmwe wa acio o rĩngĩ. Reke mandĩko maya moimagarie njamba ĩyo ya thayũ tondũ o na ngĩendaga ndingĩhota gwĩkinyia kuo. Ngoro yakwa ĩ hamwe na arĩa othe moimagarĩtie mũtiga irĩ, arĩa othe akuĩre, na arĩa othe me na kĩeha na maithori.
Nyitanĩire nao othe, ngũhoya o ũguo ararĩ mwethi thayũ, mũtiga irĩ na irĩĩri aromama thayũ kũu kwega kuraga.
Thaaai!
Nĩ kĩeha kĩnene kũrĩ niĩ mwene, na kũrĩ bũrũri witũ tondũ Mĩrũgĩ Kariũki ararĩ mũrata wa bũrũri wa Kenya.
Wĩra Mwega Arutĩte
Mĩrũgĩ Kariũki nĩ arakoretwo ehootanĩra ngoroinĩ cia andũ aingĩ a Kenya nĩ ũndũ wa wĩra wake mwega.
Kuma aaheo gĩturwa kĩa Mũnyinyi wa Mũtabania Thingirainĩ wa Mũtongoria wa Bũrũri rũhonge rwa Ũigi Thayũ Bũrũriinĩ, Mĩrũgĩ Kariũki nĩ arahete mũingĩ mweke wa kuona wĩra wake, wĩrutĩri wake, na ũũma wake. O na gũtuĩka ararĩ hakũhĩ na wathani, nĩ aroĩ wĩra wake nĩ gũtũmĩkĩra bũrũri na andũ a Kenya, no ti kwĩyonania kana gũteta tũhũ. Mĩrũgĩ Kariũki ararĩ ũmwe wa arĩa mararutaga wĩra mwega Thingirainĩ wa Gũtua Mawatho. Nĩ arahetwo gĩtĩyo nĩ mĩena yerĩ ya ũteti thingirainĩ ũcio.
Njamba Njĩthĩ Yoheirwo Kĩ?
Thutha wa kuona mũrutĩre wa wĩra wa Hon. Mĩrũgĩ Kariũki, nĩ wega tũririkane atĩ aarĩ ũmwe wa arĩa mohetwo nĩ thirikari ya Daniel Arap Moi nĩ ũndũ wa gũtetera akararia a hĩndĩ ĩyo, na nĩ ũndũ wa mĩario yake ya gũtetera ũũma na wathani mwega bũrũriinĩ witũ.
Korwo aahetwo mweke wa kũrutĩra mũingĩ wa Kenya wĩra o gatene, hihi o na haro ĩyo arathiaga kũhoria Marsabit ĩngĩathirĩte tene. Nĩ kĩo arĩ wega twĩririkanie ihindainĩ rĩĩrĩ arĩa mohetwo, arĩa moragirwo, na arĩa morĩire mabũrũri mangĩ nĩ gwĩtigĩra kũgerwo ngero hĩndĩ ya ũtongoria wa Moi. Rekei twĩyũrie hihi bũrũri witũ ũngĩkũrĩte atĩa korwo njamba icio nĩ ciareketwo irute wĩra wa kũũkũria handũ ha kuohwo, kũragwo, kana gũthamio.
Koma Thayũ Mwethi Thayũ
Nĩ andũ aingĩ mũno mangĩendire gũthiĩ kumagaria njamba ya bũrũri, Mĩrũgĩ Kariũki, na ndĩ ũmwe wa acio. Ĩndĩ kũrĩ me kũraya na matingĩhota gwĩkinyia Naikuru, na ndĩ ũmwe wa acio o rĩngĩ. Reke mandĩko maya moimagarie njamba ĩyo ya thayũ tondũ o na ngĩendaga ndingĩhota gwĩkinyia kuo. Ngoro yakwa ĩ hamwe na arĩa othe moimagarĩtie mũtiga irĩ, arĩa othe akuĩre, na arĩa othe me na kĩeha na maithori.
Nyitanĩire nao othe, ngũhoya o ũguo ararĩ mwethi thayũ, mũtiga irĩ na irĩĩri aromama thayũ kũu kwega kuraga.
Thaaai!
posted by Gatua wa Mbũgwa at 4/15/2006 01:19:00 AM
5 Comments:
Hongera sana ndugu yangu kwa kuwa kwenye orodha ya blogu bora zisizo za kiingereza. Mbele daima!
Onanie ndina kieha niundi wa gikuo kia Hon. Mirugi Kariuki. Niwikiti wega muno kuandika uhoro wake, mwairimu Gatua.
Na tena nidirenda gukwira 'congratulations' niundo wa blogu yaku kunominatwo.
Kwa ndugu Ndesanjo na Mshairi,
Asanteni sana kwa yenu machache. Nimefurahia kuwa kwenye orodha ya gazeti tando zisizo za Kiingereza, lakini nimeachwa na mshangao nikijiuliza ni lini hasa kutakuwepo na orodha za gazeti tando zisizo za lugha za Kiafrika?
Nawashukuru sana kwa kunipa hongera, nami nawapa hongera kwa kuwekwa kwa orodha mbalimbali.
Uhuru wa lugha zetu tujiletee!
nie no njuire atiri ati Murungu atuigure tha. kahida gaka ri niwega tucokie ngoro dudu twiurie atiri turenda atia na fururi uyu... idi ngai aromakiririria atigaire todu nowe wika uwi gitumi.
endelea na wira mwega uyu and congratulations ...
Nĩ wega mũno Gĩshungwa. Ceeraga kaingĩ.
Thaaai!
Post a Comment
<< Home